Bosh kotib Tibbiyot markazi faoliyatini takomillashtirish masalasini muhokama qildi

Unda MOQ raisi maslahatchisi Alisher Karimov, shuningdek, Kamol Sirojiddinov boshchiligidagi Tibbiyot markazi mutasaddilari ishtirok etishdi.

Dastavval Kamol Sirojiddinov so'nggi davrda sportchilarimiz uchun ko'rsatilayotgan tibbiy xizmat sifatini yanada yaxshilash, ularga yoz faslidagi tekshiruvlar davomida qulay sharoit yaratish bo'yicha olib borilayotgan ishlar haqida malumot berdi. 

Kamol Komilovich bunga qo'shimcha ravishda hozirda Tibbiyot markazi shifokorlari har bir federaciyalarga borib, atletlarimizning salomatligini o'rganib kelayotgani, kelgusida ushbu yo'nalishda grafik asosida mutaxassislar federaciyalarga biriktirilgan holda muntazam nazorat ishlarini olib borishlarini aytib o'tdi. Qolaversa, endilikda Respublikamiz bo'ylab ham hududlarda sport tibbiyoti yo'nalishida amalga oshirilayotgan ishlar bilan tanishish rejasi borligi takidlandi.

SHundan so'ng MOQ Bosh kotibi oldinda turgan yirik turnirlarda jamoalarimizning muvaffaqiyatli ishtirok etishida sohaning ahamiyati haqida to'xtaldi. Oybek Kasimov xalqaro maydondagi muvaffaqiyatlar zamirida sport tibbiyotining alohida o'rni borligi, Tibbiyot markazi shifokorlari Konya shahrida o'tadigan Islom birdamligi o'yinlariga tayyorgarlik ko'rayotgan jamoalar bilan ko'proq ishlashi lozimligi, amalga oshirilayotgan vitaminizaciya jarayonini ishonchli va sifatli mahsulotlar bilan uzluksiz yo'lga qo'yish haqidagi tavsiyalarini berdi.

Yig'ilish davomida RSTIAM direktori federaciyalarga tashrif chog'ida tor doirasidagi mutaxassislarni ham jalb qilish taklifini ilgari surdi. SHuningdek, uchrashuvda tibbiyot markazi faoliyatini yanada yaxshilash bo'yicha yana bazi masalalar muhokama qilindi va yangi g'oyalar ilgari surildi.