BO'SM direktori o'zi o'qigan maktabga kitob sovg'a qildi

Davlatimiz rahbarining tashabbusi va taklifi  bilan yurtimizda kitobxonlikka bo'lgan qiziqish yanada oshayotgani o'g'il-qizlarimizning odob-axloqiga, tarbiyasiga sezilarli ijobiy tasir ko'rsatishi bor gap, albatta. Mamlakatimiz bo'ylab barcha darajadagi rahbarlar, ziyolilar, ishchi-xodimlar tomonidan o'zlari tahsil olgan umumiy o'rta talim maktablariga kitoblarni bayramona tarzda   sovg'a qilish jarayoni o'ziga xos ananaga aylangani quvonarli. Bunday ezgu va xayrli tashabbuslar Qashqadaryo viloyatida ham boshlab yuborilgan. 

Xususan, Qashqadaryo viloyati CHiroqchi tumanidagi 1-sonli bolalar va o'smirlar sport maktabi direktori Farhod Jumanov ham tumandagi o'zi taxsil olgan 31-umumiy o'rta talim maktabiga o'zbek milliy hamda jahon adabiyoti namoyandalarining sara asarlaridan iborat kitoblar jamlanmasini  sovg'a qildi. 

O'quvchilar dunyo qarashini rivojlantiruvchi asarlar sirasiga sher, hikoya va qissa, shuningdek, qiziqarli ertaklar ham o'rin olgan. Ushbu badiiy adabiyotlar o'g'il-qizlarning yoshiga mos tarzda tanlangan. SHuningdek, mazkur sport maktabida rejaga muvofiq endilikda taniqli yozuvchi va shoirlarlarning BO'SM tarbiyalanuvchilari bilan ijodiy uchrashuvlari, kitobxonlik kechalarini tashkil etilishi ham  yosh sportchilarning nafaqat jismoniy balki manan tafakkuri boyishiga xizmat qilishi naqadar yaxshi.

Yana bir gap. Sport maktabida tashqi futbol, voleybol maydonlari, engil atletika uchun yugurush yo'lakchalari mavjud bo'lib, har tong ushbu sport maydonlarida turli yoshdagi odamlarning ertalabki badantarbiya mashg'ulotlarida BO'SM murabbiylari va ishchi-xodimlari safiga qo'shilayotganini va gimnastika mashg'ulotlarini xushchaqchaqlik bilan   ko'tarinki kayfiyatda bajaryotganini takidlab o'tmasa bo'lmas.

SHunday ekan, biz ham kitoblarni ko'proq o'qiylik - dunyoni teranroq anglaymiz, tafakkur olamimiz kengroq bo'ladi, jismoniy tarbiya va sportga oshno bo'lib, erta tong bir muddat badantarbiya qilaylik - jismonan sog'lom bo'lamiz, kun davomida tashlagan qadamlarimiz shaxdam bo'ladi.

Ilhom RAHMONOV tayyorladi