17 fev 14:51
Yangiliklar

Tennis

Bredi Australian Open 1/2 finaliga yo'l oldi

Dunyoning 24-raketkasi bo'lib turgan Jennifer Bredi Melburnda davom etayotgan Avstraliya Ochiq chempionatining yarim final ishtirokchisiga aylandi.

Amerikalik tennis malikasi roppa-rosa 100 daqiqa davom etgan chorak final uchrashuvida WTA reytingida 61-pog'onada borayotgan vatandoshi Jessika Pegulani 4/6, 6/2, 6/1 hisoblarida mag'lubiyatga uchratdi. Bu bilan Bredi o'zaro uchrashuvlardagi hisob muvozanatini ham tikladi - 1:1.

Jeniffer faoliyatida ikkinchi bor "Katta Dubulg'a" turkumiga kiruvchi turnirlarning 1/2 final ishtirokchisiga aylandi. Uning final ostonasidagi raqibasi chexiyalik Karolina Muxova bo'ladi. Jennifer Avstraliya Ochiq chempionatidan so'ng reytingda Top-20 tennischilar safiga kirib oladi.