06 jan 14:59
Yangiliklar

Tennis

Brisben (WTA): Plishkova - chempion!

Avstraliyaning Brisben shahrida tennis bo'yicha yilning dastlabki WTA turniri yakunlandi.

Sovrin jamg'armasi roppa-rosa 1 million dollarni tashqil qiluvchi Brisbane International musobaqasida Karolin Plishkova bosh sovringa ega chiqdi.

Turnirning beshinchi raketkasi bo'lgan chexiyalik tennischi hal qiluvchi final uchrashuvida ukrainalik Lesya Curenkoni 4:6, 7:5, 6:2 hisobida mag'lub etdi va musobaqa g'olibasiga aylandi.

Plishkova ushbu muvaffaqiyatli ishtiroki evaziga 188 280 AQSH dollari hamda 470 reyting ochkosini qo'lga kiritdi. Lesya esa finalchi sifatida 100 580 dollar mukofot puli hamda 305 reyting ochkosiga ega bo'ldi.