Bu qiziq! 29 bor Ginnes rekordlar kitobiga kiritilgan o'zbek polvoni haqida eshitganmisiz?

U tug'ilganida 6 kilogramu 200 gramm bo'lgan ekan. 12 yoshida akasi – "O'zbek yo'lbarsi" deb nom qozongan Bahrom Axnazarov izidan borib, cirk sanatiga qadam qo'ygan.

"Ginnes rekordlariga kirishim shunday boshlangan edi. Tinch okeani mintaqasidagi davlatlar bo'ylab gastrolga chiqdik. Maykl (guruh rahbari) juda havotirlandi. CHunki chiptalarimiz qimmat edi. SHunda men Mayklga bir taklif berdim: "CHiqishlarimizdan bir oy oldin reklamamiz uchun yo'lovchi samolyotni malum masofagacha tortib boraman. Hali bu tryukni dunyoning hech bir polvoni bajargan emas. Gazetalar bu haqida yozadi va biz bepul reklama uyushtiramiz", – dedim. Maykl ishonib-ishonmay taklifimga rozi bo'ldi. Men shu tariqa Gonkongda birinchi rekordimni o'rnatdim.

Rekordlarim orasida Birlashgan Arab Amirliklarida ko'rsatgan tryukimdan o'zim ham faxrlanaman. O'shanda har biri 7 tonna keladigan AQSH harbiy yuk mashinalarini tishimda tortgan edim", – deydi Faxriddin Axnazarov Rossiyaning "Fakt" saytiga bergan intervyusida.

29 marta Ginnes rekordlari kitobiga kiritilgan Faxriddin qo'llarining kafti bilan taxtaga yuzlab mixni qoqadi, tishida 150 kilogramlik yukni bemalol ko'taradi, 16 yo'lovchisi bor avtomobilni bir qo'li bilan hech bir qiyinchiliksiz malum masofagacha tortib bora oladi.

Bolalikdagi kumiri – Gollivudning mashhur aktyorlaridan biri Arnold SHvarcneggerning Faxriddin Axnazarov chiqishlarini ko'rish uchun farzandlari bilan birga tomoshaga kelishi, shuningdek, AQSHning 42-prezidenti Bill Klinton, Angliya qirolichasi Elizaveta II larning o'zbek polvoni shou-dasturiga tashrif buyurishi, "Oskar" taqdimotida chiqish qilgani, jahon kino sanati namoyondasi Jeki CHanning birga filmga tushish taklifini bildirishi...

Bu kabi muvaffaqiyatlar dong'i dunyoga taralgan polvonni aslo havolantirmagan. U hamon o'zini dunyo miqyosida tasavvurga sig'mas natijalarga erishgan muzaffar inson emas, farzandlari uchun jonkuyar ota, rafiqasi uchun vafodor umr yo'ldosh, uni tarbiyalab voyaga etkazgan ota-onasining yuzini erga qaratmagan qobil farzand deb biladi. Oilaning katta farzandi Bahrom Axnazarov bilan boshlangan polvonlar sulolasining cirk sanatidagi faoliyatini Qahramon, Ozod, Navro'z, Kamol, Mo'minjon, SHohrux va Ulug'bek Axnazarovlar davom ettirmoqda.

Har davrning o'z qahramoni, har davraning o'z lideri bo'ladi. O'zbek mumtoz sport turini jahon cirk arenasiga olib chiqib, millatlararo tanitgan, zamonaviy cirk shoulari bilan uyg'unlashtira olgan Axnazarovlar tom manoda millatimiz sharafidir.

Habib Jo'raboev tayyorladi