Bu qiziq. O'zbekiston Olimpiadalar tarixida yunon-rum kurashidagi so'nggi medalini qachon qo'lga kiritgan?

Yunon-rum kurashida delegaciyamiz hisobiga ilk medalni asli gruziyalik Aleksandr Dokturishvili (74 kg) keltirgan. U 2004 yilda Afinada bo'lib o'tgan Olimpiya o'yinlarida oltin medalni qo'lga kiritgan edi.

Oradan 12 yil o'tgach, Elmurat Tasmuradov (59 kg) Rio-2016 Olimpiadasida bronza medaliga ega chiqqan. SHundan buyon sport kurashlarining "klassik" dasturida medal qo'lga kiritishning uddasidan chiqa olmayapmiz.

Malumot uchun, Tasmuradov hozirda yunon-rum kurashi bo'yicha O'zbekiston terma jamoasi murabbiylar shtabida faoliyat yuritmoqda.

Bugun Parij Olimpiadasida ishtirok etgan ikki nafar yunon-rum kurashchimiz — Aram Vardanyan (77 kg) va Rustam Assakalovda (97 kg) bronza medalini qo'lga kiritish imkoni bor edi, biroq ular o'z bahslarida mag'lubiyatga uchradi.