Bugun 22 yoshini nishonlayotgan Latviya go'zali haqida

SHu boisdan, bugun tennischi bosib o'tgan yo'lni esga olib o'tamiz.

Elena Ostapenko 1997 yilning 8 iyunida Latviya poytaxti Riga shahrida tug'ilgan. U sportchilar oilasida dunyoga kelgan. Otasi Evgeniys futbolchi, onasi esa tennis murabbiyi bo'lgan. Elena besh yoshidan boshlab tennis bilan shug'ullanishni boshlaydi. Uning birinchi murabbiyi onasi hisoblanadi. SHuningdek, Elena yoshligida etti yil davomida professional tarzda raqs bilan ham shug'ullangan. Professional tennisga Ostapenko 2012 yilda kirib kelgan. 

Faoliyati davomida yakka tartibda ikkita WTA sovrinini qo'lga kiritgan, shuningdek juftlik bahslarida ham uchta sovrin egasi. U butun tennisdagi faoliyati davomida jami 7,888,172 AQSH dollarlik pul mablag'iga ega chiqqan. Latviya go'zali «Katta dubulg'a» turnirlardagi eng yaxshi natijasi Franciya ochiq chempionatida qayd etilgan. 2017 yilda Elena «Rolan Garros»da bosh sovringa ega chiqqan. Ostapenkoning WTA reytingdagi eng yaxshi natijasi 2018 yilning 19 martida qayd etilgan bo'lib, o'shanda u reytingning beshinchi o'rinida turgan. Hozirgi paytda esa WTA reytingining 39 pog'onasida ketmoqda. 

Tennischi bo'sh vaqtlarini musiqa tinglash, film ko'rish, do'stlari bilan sayr qilishni hush ko'radi. SHuningdek, u vafodor kuchugi Julettani ham sayr qildirishi yoqtiradi. Ostapenko uchta til: rus, latish, ingliz tillarida bemalol suhbat quradi. Tennisdagi kumiri Serena Uilyams.