01 dek 08:46
Yangiliklar

Tennis

Bugun Albina Indaurda bosh mukofot uchun kortga chiqadi

Tajribali tennischimiz Albina Xabibulina Hindistonning Indaur shahrida bo'lib o'tayotgan mukofot jamg'armasi 15 000 AQSH dollarni tashkil qiluvchi turnirda ishtirok etmoqda.

Juftliklar musobaqasida qirg'izistonlik Kseniya Palkina bilan tandem hosil qilgan Xabibulina turnirning birinchi raqamli juftligi sifatida saralangan. Ular bugun bosh mukofot uchun kortga chiqishadi.

Xabibulina va Palkinaning raqibalari turnirning ikkinchi saralangan juftligi - Dea Xerdzelas (Bosniya va Gercegoviniya) hamda CHing Ven Xsu (Xitoy Taypeyi) bo'ladi. Final uchrashuvining bizning vaqt bilan taxminan soat 15:00da boshlanishi belgilab qo'yilgan.