Bugun Ekaterina Geynish va Dmitriy CHigirev ishtirok etadigan Kanada Gran-prisi start oladi

Bugundan boshlanadigan musobaqaning juftlik dasturida O'zbekiston terma jamoasi azolari Ekaterina Geynish va Dmitriy CHigirev ham ishtirok etadi.

"ISU GRAND PRIX SKATE CANADA-2024" musobaqasi Gran-pri seriyasining ikkinchi bosqichi hisoblanadi. U Geynish va CHigirev juftligi uchun debyut Gran-pri bo'ladi. Bu bosqichda 5 mamlakatning 6 ta juftligi ishtirok etadi.

Barcha juftliklar:

1. Anastasiya Golyubova/Ektor Gyotopulos Muur (Avstraliya)

2. Kelli Ann Lourin/Lukas Eter (Kanada)

3. Dinna Stellato-Dudek/Maksim Desham (Kanada)

4. Annika Xokke/Robert Kunkel (Germaniya)

5. Emili CHan/Spenser Akire Xou (AQSH)

6. EKATERINA GEYNISH/DMITRIY CHIGIREV (O'ZBEKISTON).

Malumot o'rnida, figulari uchish sport turida Gran-prilar — bu jahondagi eng yaxshi figurali uchuvchilar o'rtasida o'tkaziladigan yillik musobaqalar to'plamidir. Ular 6 bosqichdan iborat bo'ladi. Har bir bosqichda sportchilar uchun egallagan o'rinlariga qarab, 3 balldan 15 ballgacha beriladi. Olti bosqich yakuniga ko'ra, eng yaxshi 6 nafar sportchi yoki juftlik final bosqichida ishtirok etadi. 

Eslatib o'tamiz, Ekaterina Geynish va Dmitriy CHigirev juftligi sentyabr oyida O'zbekiston terma jamoasi uchun o'zlarining ilk musobaqasida — "CHellenjer" turkumidagi "John Nicks Pairs Challenge International" turnirida qatnashib, uchinchi o'rinni egallashgan edi.