03 iyu 08:12
Yangiliklar

Tennis

Bugun Farg'onada "Fyuchers" turniri start oladi, Sabina 1-raketka!

Bugun Farg'ona shahridagi "Istiqlol" kortlarida tennis bo'yicha "Fyuchers" turkumiga kiruvchi turnirning asosiy to'r bahslari boshlanadi.

Sovrin jamg'armasi 25 000 AQSH dollarini tashkil qiluvchi ushbu musobaqada dunyoning o'ndan ziyod davlatidan tennischilar ishtirok etyapti. Hamyurtimiz Sabina SHaripova turnirning birinchi raketkasi sifatida saralangan.

Mamlakatimizning birinchi raqamli tennischisi o'tgan hafta Tailanddagi turnirda muvaffaqiyatli tarzda ishtirok etgan edi. Sabina yakkalikda yarim finalga etib kelgan bo'lsa, juftliklar bahsida musobaqa g'olibasiga aylangandi.

Yana bir yurtdoshimiz Nigina Abduraimova Farg'ona turnirining uchinchi tartib raqamli tennischisi sifatida harakat qiladi.