Bugun Fayziev va Fomin Ierusalimdagi turnirda kortga chiqadi

Sovrin jamg'armasi 54 160 AQSH dollarini tashkil qiluvchi ushbu musobaqada ikki hamyurtimiz - Sanjar Fayziev va Sergey Fomin ham o'z imkoniyatini sinovdan o'tkazadi. Har ikki tennischimiz ham bugun yakkalikning ilk davra uchrashuvida kortga chiqishadi. 

Qura natijasiga ko'ra Fayziev asosiy to'rning ilk bosqichida finlyandiyalik Emil Ruusuvuoriga, Fomin esa Buyuk Britaniya vakili, tajribali Braydan Klyaynga qarshi bahs olib boradi. 

Taqqoslash uchun, Sanjar ATP reytingida 433, Emil 395, Sergey 628, Braydan esa 361-o'rinni egallab turibdi. Fomin ishtirokidagi bahs Toshkent vaqti bilan soat 15:00, Fayzievning uchrashuvi esa soat 17:00da boshlanishi rejalashtirilgan. 

Suratlar manbasi  - @tennis007