Bugun Humoyun SHveciyadagi turnirda o'ynaydi, Fayziev va Fomin yutqazishga ulgurdi

Ushbu musobaqada o'zbekistonlik tennischilar ham ishtirok etishmoqda. 

Kecha asosiy to'r bahslariga start berildi. Musobaqaning asosiy bosqich bahslarida qatnashayotgan Sanjar Fayziev ilk bosqichda franciyalik Valentin Royerga 0:6, 6:7 hisobida yutqazdi.

Sergey Fomin esa AQSH sharafini himoya qilayotgan Vasil Kirkovga 3:6, 2:6 hisobida imkoniyatni boy berdi. 

Bugun turnirda to'rtinchi raqam ostida saralangan Humoyun Sultonov saralash bosqichidan asosiy davraga qo'shilgan Vladimir Ivanovga qarshi kortga chiqadi. O'yin Toshkent vaqti bilan soat 16:00dan so'ng boshlanishi belgilab qo'yilgan. 

Humoyun Sultonov musobaqaning juftlik bahslarida yaponiyalik Yuta SHimicu bilan tandem sifatida qatnashmoqda. Ular kecha ilk bosqichda finlyandiyalik tennischilardan tashkil topgan Salminen/Vasa tandemini 4:6, 6:4, 10:7 hisobida mag'lubiyatga uchratishdi. Yodingizda bo'lsa, Humoyun va uning yaponiyalik do'sti o'tgan hafta SHveciyadagi boshqa bir turnirning juftlik bahslarida g'oliblikka erishgandi. 

Bugun shuningdek, Sanjar Fayziev va Sergey Fomin juftlik bellashuvlarida Marlus Rugzas (SHveciya) va Livl Saatela (Finlyandiya) tandemiga qarshi kortga chiqadi.