28 iyu 09:48
Yangiliklar

Tennis

Bugun Istomin Avstriyadagi turnir saralashida kortga chiqadi

Mamlakatimizning birinchi raketkasi Denis Istomin bugundan Avstriyaning Kitcbyuel shahrida saralash bahslari start oladigan ATP -250 turnirida ishtirok etadi.

Hamyurtimiz o'z ishtirokini aynan saralash baxslaridan boshlaydi. Istomin saralashning birinchi raketkasi sifatida qayd etilgan. Denisning ilk raqibi franciyalik Elliot Benchetrit bo'ladi. Saralashning ushbu yarim final bahsi bizning vaqt bilan soat 15:30da boshlanishi belgilab qo'yilgan.

Taqqoslash uchun, Elliot dunyo reytingida 289, Istomin esa 90-o'rinni egallab turibdi. Ikki tennischi shu kungacha o'zaro uchrashuvlarda to'qnash kelishmagan. Agar Denis Elliotni mag'lub etsa, final saralash raundida Monteyro - Andreocci juftligi g'olibiga qarshi kortga chiqadi.