Bugun Istomin CHenduda yarim final chiptasi uchun kortga chiqadi

Bugun hamyurtimiz chorak final uchrashuvida dunyoning 58-raketkasi amerikalik Jared Donaldsonga qarshi kortga chiqadi. Istomin - Donaldson bahsi Toshkent vaqti bilan soat 13:00 boshlanishi rejalashtirilgan.

Malumot uchun, tennischilar shu kungacha o'zaro bir marotaba to'qnash kelishgan. Istomin shu yilning may oyida Madridda o'tgan nufuzli turnirda Donaldsonni 7:6, 6:4 hisobida mag'lubiyatga uchratgandi.

Eslatib o'tamiz, Denis Istomin ilk bosqichda dunyo reytingida 47-o'rinni egallab turgan Yan-Lennard SHtruffni 6:3, 7:6, ikkinchi davrada turnirda uchinchi raqam ostida saralangan rossiyalik Karen Xachanovni 6:3, 6:2 hisobida mag'lub etgan edi.