09 apr 07:56
Yangiliklar

Tennis

Bugun Istomin dunyoning uchinchi raketkasiga qarshi kortga chiqadi

Marokashning Marrakesh shahrida tennis bo'yicha ATP 250 turnirining asosiy to'r bahslari davom etmoqda.

Sovrin jamg'armasi 524 340 evroni tashkil qiluvchi Grand Prix Hassan II turnirida hamyurtimiz Denis Istomin ham ishtirok etadi. Bugun mamlakatimizning birinchi raketkasi turnirning birinchi, dunyoning esa uchinchi raqamli tennischisi germaniyalik Aleksandr Zverevga qarshi kortga chiqadi.

Taqqoslash uchun, Istomin ayni paytda ATP reytingida 104-o'rinni egallab turibdi. Tennischilar shu kungacha o'zaro bir marotaba to'qnash kelishgan. 2015 yilning avgustida Cincinatti turnirida Zverev uch set natijasiga ko'ra g'alaba qozongan edi. Istomin - Zverev bahsi bugun Toshkent vaqti bilan soat 19:30da boshlanadi.