Bugun Istomin Istburnda “Rolan Garros” yarim finalchisiga qarshi kortga chiqadi

Ushbu bosqichda tennischimizga italiyalik Marko CHekkinato raqiblik qiladi. Dunyo reytingida 31-o'rinni egallab turgan Marko Istburn turnirining 4-raketkasi hisoblanadi. U yaqinda “Rolan Garros” musobaqasida yarim finalga qadar etib borib, katta shov-shuv sababchisiga aylangandi.

Denis Istomin va Marko CHekkinato o'rtasidagi bahs Toshkent vaqti bilan soat 15:00da boshlanishi belgilab qo'yilgan. Tennischilar shu kungacha hali o'zaro uchrashuvlarda to'qnash kelishmagan. 

Eslatib o'tamiz, jahon reytingida 91-o'rinni egallab turgan hamyurtimiz Istburn turnirining ilk davrasida 43-pog'onadan joy olgan yana bir italiyalik raketka ustasi Andreas Seppini 2 soatu 30 daqiqa davom etgan o'yinda 6:3, 6:7, 7:6 hisobida mag'lub etgandi.