Bugun Istomin Lionda Raonichga qarshi kortga chiqadi

Hamyurtimizning raqibi turnirning birinchi raketkasi kanadalik Milosh Raonich bo'ladi. Dunyo reytingida 6-o'rinni egallab turgan Raonich o'z ishtirokini to'g'ridan-to'g'ri ikkinchi davradan boshlaydi.

ATP reytingida 81-pog'onadan joy olgan Istomin esa birinchi bosqichda avstraliyalik Tanasi Kokkinakisni 6:3, 6:4 hisobida mag'lub etgandi.

Raonich - Istomin bahsi bizning vaqt bilan soat 16:00da boshlanishi belgilab qo'yilgan. Bu ikki tennischi o'zaro 3 bor to'qnash kelishgan, uchrashuvlarning barchasida Milosh g'alaba qozongan.