15 iyu 09:24
Yangiliklar

Tennis

Bugun Istomin Nyuport turniridagi ishtirokini boshlaydi

Bugun AQSHning Nyuport shahrida tennis bo'yicha ATP turnirining asosiy to'r bahslari start oladi.

Sovrin jamg'armasi 652 245 dollarni tashkil etuvchi turnirda hamyurtimiz Denis Istomin ham ishtirok etadi. Mamlakatimizning birinchi raketkasi qura natijasiga ko'ra ilk davrada amerikalik Tennis Sandgrenga qarshi kortga chiqadi.

Taqqoslash uchun, Istomin bugun elon qilingan reytingda 107, Sandgren esa 72-o'rinni egallab turibdi. Tennischilar shu kungacha o'zaro uchrashishmagan. Istomin - Sandgren bahsi bugun tunda Toshkent vaqti bilan soat 00:30da boshlanadi.