Bugun Istomin SHtutgartdagi ishtirokini boshlaydi, raqib mezbon tennischi

Ushbu musobaqada mamlakatimizning birinchi raketkasi Denis Istomin haim ishtirok etadi. Hamyurtimiz shu hafta Almati “CHellenjer” turnirining nimchorak final uchrashuvidayoq mag'lubiyatga uchragan edi. Endi u o'z omadini SHtutgartdagi turnir saralashida sinab ko'radi. 

Istomin qura natijasiga ko'ra saralashning birinchi bosqichida germaniyalik Dastin Braunga qarshi kortga chiqadi. Uchrashuv Toshkent vaqti bilan soat 17:00da boshlanishi belgilab qo'yilgan. 

Taqqoslash uchun, Denis Istomin ATP reytingida 97, Dastin Braun esa 171-o'rinni egallab turibdi. Tennischilar shu kungacha o'zaro uch marotaba to'qnash kelishgan. Ikki bahsda Denis, yana bir uchrashuvda Dastin g'alaba qozongan. So'nggi uchrashuv shu yilgi Rolan Garros turnirining saralashida o'tkazilib, unda Braun g'alabaga erishgandi.