05 fev 07:27
Yangiliklar

Tennis

Bugun Istomin Sofiyadagi ishtirokini boshlaydi

Bolgariya poytaxti Sofiya shahrida tennis bo'yicha nufuzli ATP turnirining asosiy to'r bahslari start oldi.

Ushbu musobaqada mamlakatimizning birinchi raketkasi Denis Istomin ham ishtirok etadi. Sofia Open turnirining mukofot jamg'armasi 586 140 evroni tashkil qiladi. CHempion tennischi 90 390 evro mukofot puli hamda 250 reyting ochkosini qo'lga kiritadi.

Bugun Istomin ilk davrada italiyalik Matteo Berrettiniga qarshi kortga chiqadi. Uchrashuvning Toshkent vaqti bilan soat 15:00da boshlanishi belgilab qo'yilgan. Matteo ATP reytingida 53, Denis esa 106-o'rinni egallab turibdi.

Tennischilar shu kungacha o'zaro uchrashmagan. Bu ikki tennischi o'rtasidagi bahs g'olibini ikkinchi davrada turnirning birinchi raketkasi Karen Xachanov kutib turibdi. Rossiyalik tennischi to'g'ridan-to'g'ri ikkinchi davradan bahslarga qo'shiladi.