Bugun Istomin uchinchi ATP tituli uchun kortga chiqadi

Musobaqaning sovrin jamg'armasi 561 345 evroni tashkil etadi. Bugun final uchrashuvi o'tkazilib, turnir g'olibi va vice-chempioni nomi malum bo'ladi. Hal qiluvchi final bahsi hamyurtimiz Denis Istomin ishtirokida kechadi. 

Kecha Denis yarim finalda chililik Nikolas Xarrini 7:5, 6:7(4), 6:4 hisobida mag'lub etib, final chiptasini qo'lga kiritgan edi. Uning bugungi finaldagi raqibi slovakiyalik Martin Klijan esa ispaniyalik Xaume Munyardan 1 soatu 42 daqiqa davom etgan uchrashuvda 7:6(3), 6:3 hisobida ustun kelgandi. 

Taqqoslash uchun, Denis Istomin jahon reytingida 95, Nikolas 53, Munyar 88, Klijan esa 112-o'rinni egallab turibdi. Agar bugun Istomin g'alaba qozonsa, faoliyatidagi uchinchi ATP titulini qo'lga kiritadi. Istomin va Klijan shu kungacha o'zaro uch marotaba to'qnash kelishgan. Ikki o'yinda Denis, yana bir bahsda Martin zafar quchgan.