Bugun Istomin “Uimbldon”dagi ishtirokini boshlaydi

Yilning to'rtta nufuzli musobaqasining hisob bo'yicha uchinchisida hamyurtimiz Denis Istomin ham ishtirok etadi. Bu Denis uchun “Katta Dubulg'a” turkumiga kiruvchi musobaqalardagi ketma-ket 35-ishtirok bo'ladi.

O'zbekistonning birinchi raqamli tennischisi ilk davrada amerikalik Donald Yangga qarshi kortga chiqadi. Agar ob-havo sabab o'zgarish bo'lmasa, bu uchrashuv bizning vaqt bilan soat 17:00da boshlanishi belgilab qo'yilgan.

Malumot uchun, tennischilar shu kungacha o'zaro 3 marotaba to'qnash kelishgan. O'yinlarning ikkitasida Istomin g'alaba qozongan bo'lsa, bittasida Yangning qo'li baland kelgan.