02 iyu 07:51
Yangiliklar

Tennis

Bugun Istomin "Uimbldon"dagi ishtirokini boshlaydi, raqib dunyoning 55-raketkasi!

Buyuk Britaniyaning London shahrida tennis bo'yicha "Katta Dubulg'a" turkumiga kiruvchi Uimbldon turniri davom etmoqda.

Avval xabar berganimizdek, musobaqaning asosiy to'r bahslarida hamyurtimiz Denis Istomin ham ishtirok etadi. Bugun mamlakatimizning birinchi raketkasi ilk davra uchrashuvida britaniyalik Kemeron Norriga qarshi kortga chiqadi.

Taqqoslash uchun, Denis Istomin ATP reytingida 115, Norri esa 55-o'rinni egallab turibdi. Tennischilar shu kungacha o'zaro to'qnash kelishmagan. Uchrashuv Toshkent vaqti bilan soat 16:30da boshlanadi.

Istomin - Norri bahsi g'olibi ikkinchi davrada katta ehtimol bilan yaponiyalik Kei Nishikoriga qarshi kortga chiqadi. Kei bugun birinchi bosqichda saralash turniri g'oliblaridan biri braziliyalik Tyago Monteyroni sinovdan o'tkazadi.