Bugun Istomin yangi mavsumdagi ilk uchrashuvini o'tkazadi

Mukofot jamg'armasi 589 680 dollarni tashkil qiluvchi ATP 250 turnirida mamlakatimizning birinchi raketkasi Denis Istomin ham ishtirok etadi. Bugun hamyurtimiz asosiy to'rning ilk davra bahsida Simone Bolelliga qarshi kortga chiqadi. Italiyalik tennischi saralashda ikki raqibini mag'lub etib, asosiy to'rga yo'llanma olgan. 

Taqqoslash uchun, Denis Istomin dunyo reytingida 92, Bolelli esa 141-o'rinni egallab turibdi. Tennischilar shu kungacha o'zaro o'yinda to'qnash kelishmagan. Ularning ilk uchrashuvi bugun Toshkent vaqti bilan soat 14:30da boshlanishi belgilab qo'yilgan. 

Malumot uchun, Janubiy Afrika Respublikasi vakili Kevin Anderson turnirning birinchi raketkasi sifatida harakat qiladi. Istomin va Andersonning yo'llari chorak finalda kesishadi. Buning uchun ularning har ikkisi ham o'z uchrashuvlarida g'alaba qozonishlari shart.

Turnirda chempion bo'lgan tennischi o'z hamyonini 90 990 dollarga boyitib oladi, shuningdek 250 reyting ochkosiga ham ega bo'ladi. Birinchi raundda kortga chiqqan tennischilarning bari natijadan qatiy nazar 5 320 dollarlik bo'lishadi.