Bugun Istomin yarim final chiptasi uchun kortga chiqadi

Xabar berganimizdek, ushbu nufuzli musobaqada hamyurtimiz Denis Istomin ham muvaffaqiyatli tarzda ishtirok etyapti. Mamlakatimizning birinchi raqamli tennischisi kecha 2 soatu 11 daqiqa davom ikkinchi davra bahsida turnirning ikkinchi raketkasi germaniyalik Filip Kolshrayberni 5:7, 6:3, 6:1 hisobida mag'lub etgandi.

Bugun Istomin chorak final uchrashuvida yana bir germaniyalik tennischi Maksimilyan Martererga qarshi kortga chiqadi. Istomin - Marterer bahsi Toshkent vaqti bilan soat 16:00da boshlanishi belgilab qo'yilgan. 

Taqqoslash uchun, Denis jahon reytingida 95, Maksimilyan esa 47-o'rinni egallab turibdi. Tennischilar shu kungacha o'zaro ikki bor to'qnash kelishgan. Uchrashuvlarning birida hamyurtimiz, ikkinchisida esa germaniyalik tennischining qo'li baland kelgan.