21 iyu 07:19
Yangiliklar

Tennis

Bugun Jo'rabek Karimov Gruziyadagi turnir finalida kortga chiqadi

Gruziyaning Telavi shahridagi ITF turniri o'zining eng qizg'in pallasiga etib keldi.

Quvonarlisi, mukofot jamg'armasi 15 000 AQSH dollarini tashkil etuvchi mazkur turnirning hal qiluvchi final o'yiniga hamyurtimiz Jo'rabek Karimov ham etib keldi.

U bugun turnir bosh sovrini uchun musobaqaning birinchi saralangan tennischisi - chexiyalik David Poliakka qarshi kortga chiqadi.

Malumot uchun, David ayni paytda jahon reytingida 566-o'rinni egallab turibdi. Jo'rabek esa uzoq vaqt kortga chiqmagani uchun hozircha reytingda o'ringa ega emas.