11 avg 08:28
Yangiliklar

Tennis

Bugun Jo'rabek Minsk turniri bosh sovrini uchun kortga chiqadi

Belarus poytaxti Minsk shahrida o'tkazilayotgan tennis bo'yicha “Fyuchers” turkumiga kiruvchi turnir o'zining hal qiluvchi pallasiga kirdi.

Sovrin jamg'armasi 15 000 AQSH dollarini tashkil qiluvchi ushbu musobaqada hamyurtimiz Jo'rabek Karimov ham muvaffaqiyatli tarzda ishtirok etyapti. Kecha tennischimiz yarim final uchrashuvida isroillik Igor Smilanskini 1:6, 6:2, 6:3 hisobida mag'lub etgandi.

Bugun musobaqaning uchinchi raqamli ishtirokchisi bo'lgan Jo'rabek final uchrashuvida kortga chiqadi. Uning raqibi britaniyalik Jonatan Grey bo'ladi. Yigirma bir yoshli Grey dunyo reytingida 607, 20 yoshli Karimov esa 491-o'rinni egallab turibdi.