11 dek 09:23
Yangiliklar

Tennis

Bugun SHaripova Dubaydagi ishtirokini boshlaydi

Bugun mamlakatimizning birinchi raketkasi Sabina SHaripova BAAning Dubay shahrida o'tkazilayotgan turnirning yakkalik bahslarida kortga chiqadi.

Musobaqaning sovrin jamg'armasi 100 000 AQSH dollarini tashkil etadi. Hamyurtimiz ilk davrada vengriyalik Dalma Galfi bilan hisob-kitob qiladi. Musobaqa tashkilotchilari dunyo reytingida 341-o'rinni egallab turgan Galfiga asosiy to'rda to'g'ridan-to'g'ri qatnashish huquqini beruvchi imtiyozli yo'llanma taqdim etishgan.

SHaripova esa reytingning 141-pog'onasidan joy olgan. Sabina Dubay turnirining juftlik bahslarida ishtirok etmaydi. Yana bir hamyurtimiz Oqgul Omonmurodova esa aynan juftlik turnirida o'z mahoratini namoyish etadi. U yakkalikning saralash bahslarida mag'lubiyatga uchragandi.