07 noy 09:23
Yangiliklar

Tennis

Bugun SHaripova SHenchjendagi ishtirokini boshlaydi

Xitoyning SHenchjen shahrida tennis bo'yicha ITF toifasiga kiruvchi eng yirik turnirning asosiy to'r bahslari davom etmoqda.

Sovrin jamg'armasi 100 000 AQSH dollarini tashkil qiluvchi ushbu musobaqada hamyurtimiz Sabina SHaripova ham ishtirok etadi. Mamlakatimizning birinchi raketkasi turnirda oltinchi raqam ostida saralandi.

Bugun SHaripova musobaqaning birinchi davrasida chernogoriyalik Danka Kovinichga qarshi kortga chiqadi. Sabina dunyo reytingida 122, Kovinich esa 182-o'rinni egallab turibdi. Tennischilar shu kungacha o'zaro to'qnash kelishmagan.