Butunjahon anti-doping agentligi (WADA) sportchilar savollariga javob berdi

“WADA va jahon dopingga qarshi hamjamiyat aholining salomatligi, xavfsizligi va ijtimoiy masuliyati muhim deb hisoblaydi. Biz ushbu koronavirus pandemiyasining oqibatlariga duch kelib turar ekanmiz, sportchilarning salomatligi va sport bilan halol shug'ullanayotganlarning hammasi diqqat markazimizdadir”, – deb bayonot berdi WADA raisi Vitold Banka.

WADAning sportchilar komissiyasi bilan hamkorlikda tuzilgan hujjatida doping testlari va koronavirusga chalinish yoki uning uzatilishi xavfini kamaytirish to'g'risidagi savollarga javob berilgan. Hujjatda doping testlari imkoniyat bo'lgan va mahalliy mamurlar harakatlanishni va jismoniy aloqa qilishni chegaralamagan joylarda davom ettirilishi mumkinligi ko'rsatilgan.

Bundan tashqari ham sportchilar, ham dopingga qarshi agentliklar vakillarining salomatligini muhofaza qilish uchun kuchli choralar ko'rilmoqda. Jumladan, bunda gap qo'llarni muntazam yuvish va dezinfekciya qilish, bir marta ishlatiladigan qo'lqoplardan foydalanish va imkoniyat boricha 2 metrli oraliqqa rioya qilish to'g'risida ketmoqda. Koronavirus yuqishi alomatiga ega bo'lgan sportchilar o'zlarini yakkalashlari va dopingga qarshi mahallliy agentlikni u doping testlari olish rejasiga o'zgartirish kiritishi uchun xabardor qilishlari kerak.

WADA shuningdek test olish darajasini pasaytirish yoki umuman buni bekor qilish niyatidadir. Pandemiya tugab, sport olami yana odatiy tusga kirgach, bu uzilishlar qo'shimcha testlar o'tkazish bilan qoplanadi.
WADA sportchilar komissiyasi raisi Ben Sendfordning aytishicha, tashkilot sportchilar uchun vujudga kelgan vaziyatning murakkabligini tan oladi. “Dopingga qarshi hamjamiyat ayrim dasturlarni, shu jumladan testlarni va boshqa tadbirlarni bekor qilib yoki kamaytirib, kundalik tartibga o'zgartirish kiritish uchun birlashdi”, – dedi Stenford.