Butunjahon etnosport konfederaciyasi prezidenti bilan hamkorlikning yangi bosqichlari muhokama qilindi

Martabali mehmonni O'zbekiston Respublikasi Sport vaziri Adham Ikramov va MOQ rahbariyati qarshi oldi.

Samimiy ruhda o'tgan uchrashuvda O'zbekiston etnosport federaciyasi raisi Oybek Norinboev ham ishtirok etdi. Tomonlar yig'ilish davomida ikki davlat o'rtasidagi do'stona aloqalarni sport sohasi orqali yanada mustahkamlash, milliy va etnosport turlarini rivojlantirish kabi istiqbolli loyihalarni ko'rib chiqishdi. Suhbatda Nejmeddin Bilal Erdog'an o'tgan yilning sentyabr oyida Xivada yuqori saviyada tashkil etilgan Xalqaro etnosport festivali haqida ijobiy fikr bildirib o'tdi.

O'z navbatida Adham Ikramov Prezidentimiz boshchiligida ommaviy va professional sport rivojiga qaratilayotgan etibor haqida gapirib, martabali mehmonni bu borada olib borilayotgan ishlar bilan tanishtirdi. SHuningdek, MOQ Bosh kotibi Oybek Kasimov Toshkent-2025 IV yoshlar Osiyo o'yinlari va uning uchun qurilayotgan Olimpiya shaharchasi haqida taqdimot qildi.

N.B.Erdog'an poytaxtimizda qad rostlayotgan Olimpiya shaharchasining loyihasiga yuqori baho berdi. Uchrashuv davomida tomonlar hamkorlikning kelgusi bosqichlarini belgilab olishdi. Tashrif yakunida Oybek Kasimov Butunjahon etnosport federaciyasi prezidentiga MOQning esdalik nishonini topshirdi.