Buxoro qo'l jangi bo'yicha Jahon chempionatiga mezbonlik qilyapti

Mazkur jahon birinchiligida sayyoramizning 20ga yaqin davlatidan 400 nafarga yaqin qo'l jangi ustalari ishtirok etishmoqda.

Jahon chempionati final bosqichining ochilish marosimida O'zbekiston Respublikasi Milliy gvardiyasi qo'mondoni, general-mayor Rustam Jo'raev, Buxoro viloyati hokimi Botir Zaripov hamda O'zbekiston sport faxriylari kengashi raisi Bahodir Maxsitov ishtirok etdi.

Milliy gvardiya qo'mondoni Rustam Jo'raev tomonidan mazkur nufuzli musobaqaning mamlakatimizda tashkil etilayotganligi O'zbekistonda sportga qaratilayotgan yuksak etiborning natijasi ekanligi takidlanadi. SHuningdek, qo'mondon o'z nutqida jahon chempionatining final bosqichida ishtirok etayotgan barcha sportchilarga omad tiladi.

Musobaqaning saralash janglari Buxoro Olimpiya va paralimpiya zaxiralari kolleji sport majmuasida tashkil etilsa, yarim final va final janglari hamda taqdirlash marosimi o'z bag'riga 2 700 tomoshabinni sig'diradigan Buxoro amfiteatrida o'tkaziladi.

Malumot uchun, jahon chempionatining barcha g'olib va sovrindorlari ertaga aniqlanadi.