Buxoroda "Besh tashabbus olimpiadasi"ning 4-bosqichi yuqori saviyada o'tkazilmoqda

Ayni kunlarda respublikamiz bo'ylab, davlatimiz rahbarining 2022-yil 19-yanvardagi "Mahallalarda yoshlar bilan ishlash tizimini tubdan takomillashtirish chora-tadbirlari to'g'risida"gi PQ–92-son hamda 2022-yil 11-apreldagi "Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to'g'risida"gi PQ–201-son qarorlarida belgilab berilgan vazifalarning ijrosini taminlash maqsadida tumanlar miqyosida g'olib jamoalar o'rtasida "Besh tashabbus olimpiadasi" ommaviy sport musobaqalarining hududiy bosqichi bo'lib o'tmoqda.

Buxoro shahridagi "Yoshlik" sport majmuasida stritbol bo'yicha 22-26 yoshli qizlar o'rtasida hamda Buxoro Davlat universiteti sport zalida voleybol bo'yicha 16-21, 22-26, 27-30 yoshli yigit va qizlar o'rtasida "Besh tashabbus olimpiadasi" musobaqalari yuqori saviyada bo'lib o'tdi.

Musobaqaning bugungi bahslarida jami 350 nafarga yaqin yoshlar ishtirok etishdi. Ko'tarinki kayfiyatda o'tgan 4-bosqich bellashuvlari yakunida Respublika bosqichiga A, B, C ligalarda ishtirok etish huquqini qo'lga kiritgan jamoalar aniqlandi.