Candidates Tournament 2024. 3-turda birgina Rameshbabu zafar quchdi

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon toji uchun davogar nomini aniqlab berish uchun o'zaro dona surishyapti.

Erkaklar o'rtasidagi turnirda amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy o'z mahoratini namoyish etmoqda.

Uchinchi turning uchta partiyasida tomonlar murosaga kelishdi. Birgina Rameshbabu Pragnanandha bu turda bir ochkolik bo'ldi. Hindistonlik grossmeyster qora donalarda o'ynashiga qaramay, vatandoshi Vidit Gujratidan ustun keldi. 22 aprelga qadar davom etadigan ushbu turnir g'olibi amaldagi jahon chempioni, xitoylik grossmeyster Din Lijenga qarshi jahon toji uchun dona surish huquqini qo'lga kiritadi. 

Candidates Tournament 2024. 3-tur natijalari (Erkaklar)

Nijat Abasov (Ozarbayjon, 2632) — Hikaru Nakamura (AQSH, 2789) — 1/2:1/2 

Alireza Firuzja (Franciya, 2760) — Fabiano Karuana (AQSH, 2803) — 1/2:1/2

Gukesh Dommaradju (Hindiston, 2743) — Yan Nepomnyashiy (FIDE, 2758) — 1/2:1/2 

Vidit Gujrati (Hindiston, 2727) — Rameshbabu Pragnanandha (Hindiston, 2747) — 0:1

Candidates Tournament 2024. 4-tur juftliklari (7 aprel):

Hikaru Nakamura (AQSH, 2789) — Rameshbabu Pragnanandha (Hindiston, 2747) 

Yan Nepomnyashiy (FIDE, 2758) — Vidit Gujrati (Hindiston, 2727)

Fabiano Karuana (AQSH, 2803) — Gukesh Dommaradju (Hindiston, 2743)

Nijat Abasov (Ozarbayjon, 2632) — Alireza Firuzja (Franciya, 2760) 

Malumot uchun, ushbu davogarlar turnirida hamyurtimiz Nodirbek Abdusattorov ishtirok etmayapti. Boisi, musobaqaning barcha sakkiz ishtirokchisi turli saralash turnirlari orqali yo'llanmani qo'lga kiritgan.