Candidates Tournament 2024. Yakunga ikki tur qolganda uch peshqadam FOTO + JADVAL

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon tojiga davogar nomini aniqlab berish uchun o'zaro dona surishyapti. 

Mukofot jamg'armasi 500 000 evroni tashkil qiluvchi musobaqaning erkaklar o'rtasidagi bahslarida amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy o'z mahoratini namoyish etmoqda.

Kecha o'tkazilgan 12-turning bittagina partiyasida tomonlar murosaga kelishdi. Qolgan uchta partiyada bir tomonning g'alabasi qayd etildi. Peshqadam Yan Nepomnyashhiy oq donalarda o'ynashiga qaramay, hindistonlik Rameshbabu Pragnanandhani mag'lub eta olmadi.

Rossiyalik shaxmatchining ochko yo'qotishidan uning taqibchilari unumli foydalanib qolishdi. Gukesh qora donalarda autsayder Nijat Abasovni, Xikaru Nakamura esa francuz Alireza Firudjani taslim etdi. Musobaqa yakunlanishiga ikki tur qolgan bir paytda Yan, Gukesh va Xikaruda 7,5 tadan ochko bor. 

Eslatib o'tamiz, 22 aprelga qadar davom etadigan ushbu turnir g'olibi amaldagi jahon chempioni, xitoylik grossmeyster Din Lijenga qarshi jahon toji uchun dona surish huquqini qo'lga kiritadi. 

Candidates Tournament 2024. 12-tur natijalari

Xikaru Nakamura (AQSH, 2789) — Alireza Firudja (Franciya, 2760) — 1:0

Nijat Abasov (Ozarbayjon, 2760) — Gukesh Dommaradju (Hindiston, 2743) — 0:1

Fabiano Karuana (AQSH, 2803) — Vidit Gudjrati (Hindiston, 2727) — 1:0

Yan Nepomnyashhiy (FIDE, 2758) — Rameshbabu Pragnanandxa (Hindiston, 2747) — 1/2:1/2.

12-turdan keyingi turnir jadvalidagi holat:

1-3. Nepomnyashiy, Gukesh, Nakamura – 7,5 ochkodan

4. Karuana – 7 

5. Pragnanandha – 6

6. Vidit – 5

7. Firudja – 4,5

8. Abasov – 3.

Candidates Tournament 2024. 13-tur juftliklari

Yan Nepomnyashhiy (FIDE, 2758) — Xikaru Nakamura (AQSH, 2789)

Gukesh Dommaradju (Hindiston, 2743) — Alireza Firudja (Franciya, 2760)

Rameshbabu Pragnanandxa (Hindiston, 2747) — Fabiano Karuana (AQSH, 2803) 

Vidit Gudjrati (Hindiston, 2727) — Nijat Abasov (Ozarbayjon, 2632)

Malumot uchun, ushbu davogarlar turnirida hamyurtimiz Nodirbek Abdusattorov ishtirok etmayapti. Boisi, musobaqaning barcha sakkiz ishtirokchisi turli saralash turnirlari orqali yo'llanmani qo'lga kiritgan.