Candidates Women Tournament 2024. Peshqadamlar soni 3 nafarga etdi FOTO + JADVAL

Ayol shaxmatchilar musobaqasi murosasiz kurashlarga boy tarzda o'tmoqda. Xitoyliklar Ley Tincze, Tan CHjuni, hindistonliklar Xampi Koneru, Rameshbabu Vayshali, ukrainalik Anna Muzichuk, bolgariyalik Nurgyul Salimova, FIDE bayrog'i ostida ishtirok etayotgan Aleksandra Goryachkina va Katerina Lagno toj davogarini aniqlab berish uchun bahs olib borishyapti.

Kecha o'tkazilgan 8-turdan so'ng turnir jadvalida uch nafar peshqadam paydo bo'ldi. SHu kungacha yakka karvonboshi bo'lib kelgan xitoylik Tan CHjuni biroz kutilmaganda oq donalarda o'z vatandoshi Ley Tinczega yutqazib qo'ydi. Ketma-ket ikkinchi g'alabasidan keyin Ley peshqadamlar safiga qo'shilib oldi. FIDE bayrog'i ostida o'ynayotgan rossiyaliklar Aleksandra Goryachkina va Ekaterina Lagno o'zaro murosa ko'chasini tanlashdi. 

Candidates Women Tournament 2024. 8-tur natijalari

Ekaterina Lagno (FIDE) — Aleksandra Goryachkina (FIDE) — 1/2:1/2

Nurgyul Salimova (Bolgariya) — Anna Muzichuk (Ukraina) — 1/2:1/2

Tan CHjuni (Xitoy) — Ley Tincze (Xitoy) – 0:1

Xampi Koneru (Hindiston) — Rameshbabu Vayshali (Hindiston) – 1:0.

8-turdan keyingi turnir jadvalidagi holat:

1-3. Goryachkina, Ley, CHjuni – 5 ochkodan

4. Lagno – 4,5

5-6. Koneru, Salimova – 3,5

7. Muzichuk – 3

8. Rameshbabu Vayshali – 2,5

Candidates Women Tournament 2024. 9-tur juftliklari

Xampi Koneru (Hindiston) — Ekaterina Lagno (FIDE) 

Rameshbabu Vayshali (Hindiston) — Tan CHjuni (Xitoy)

Ley Tincze (Xitoy) — Nurgyul Salimova (Bolgariya)

Anna Muzichuk (Ukraina) — Aleksandra Goryachkina (FIDE)

Malumot uchun, Candidates Tournament 2024 turnirning umumiy mukofot jamg'armasi 750 000 evroni tashkil etadi. Umumiy summadan 500 ming dollari erkaklar, 250 mingi ayollar o'rtasidagi turnirga tegishli. Yani, erkak shaxmatchilar mukofot pulini ayollarga qaraganda ikki barabar ko'proq olishadi. Erkaklarda g'olib 48 000, ayollar esa 24 000 evroni qo'lga kiritadi.