CHirchiqda basketbol bo'yicha viloyat birinchiligi o'tkazildi + FOTO

Toshkent viloyati jismoniy tarbiya va sport boshqarmasi tashabbusi va viloyat basketbol federaciyasi hamda CHirchiq shahar jismoniy tarbiya va sport  bo'limi hamkorligida tashkil etilgan viloyat birinchiligida Yangiyo'l, Nurafshon, Angren, CHirchiq shaharlari, Bustonliq tumani jamoalari ishtirok etishdi.

Musobaqa O'zbekiston Respublikasi Prezidentining “Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida”gi PF-6099 -sonli Farmoni ijrosini taminlash, basketbol sport turini Toshkent viloyati miqyosida yanada rivojlantirish, uyushmagan aholi va yoshlarni sportga bo'lgan qiziqishlarini orttirish, viloyat va mamlakat birinchiliklarida ishtirok etuvchi o'smirlar terma jamoasini shakllantirish maqsadida o'tkazildi.

Murosasiz o'tgan bellashuvlarning yakuniy natijalariga ko'ra, Bo'stonliq tumani jamoasi faxrli birinchi o'rinni qo'lga kiritdi. Ikkinchi o'rinni Angren jamoasi egallagan bo'lsa, uchinchi o'rin CHirchiq shahri jamoasiga nasib etdi.

Alisher NORMETOV, CHirchiq shahar jismoniy tarbiya va sport bo'limi v.b. boshlig'i: - Basketbol bo'yicha o'tkazilgan ushbu musobaqa ham aholi, ayniqsa, yoshlarni jismoniy tarbiya va sportga yanada ko'proq jalb etish, qolaversa, viloyat terma jamoasiga munosib sportchilarni saralashdan iborat bo'ladi. Albatta, bu kabi sport bellashuvlarining yuqori saviyada o'tishida Toshkent viloyati jismoniy tarbiya va sport boshqarmasi boshlig'i Komiljon Adilovga sportchilarimiz nomidan minnatdorchilik bildiramiz. Qolaversa, bugungi bellashuvda sportchilarni taqdirlashda ishtirok etgan viloyat jismoniy tarbiya va sport boshqarmasining oliy sport yutuqlari va saralash (selekciya) bo'limi boshlig'i Oybek Toshpo'latov, ommaviy va bolalar sportini rivojlantirish bo'limi boshlig'i Usmonjon Karimov, O'zbekiston milliy olimpiya qo'mitasi Toshkent viloyati bo'limi vakili Azamat Turopovlar ham jamoalarning o'yinlarini ko'zatib borishdi. Kuzatish jarayonida hakamlar va murabbiylar ishtirokida iqtidorli basketbolchilarni saralash xususida fikrlashishdi. Musobaqa yakunida boshqarma vakillari g'olib va sovrindor jamoalarni Toshkent viloyati jismoniy tarbiya va sport boshqarmasi tomonidan tasis etilgan diplom, medal va esdalik sovg'alari bilan mukofotlashdi.

Ilhom RAHMONOV tayyorladi