CHirchiqda yunon-rum kurashi bo'yicha xalqaro turnir o'tkazildi

Yunon-rum kurashi bo'yicha CHirchiq olimpiya va paralimpiya sport turlariga tayyorlash markazi rahbari sovrini uchun o'tkazilgan mazkur xalqaro turnirda mamlakatimizning barcha hududlaridan hamda qo'shni Qozog'iston, Qirg'iziston, Tojikiston davlatlaridan 500 nafarga yaqin o'smirlar ishtirok etishdi. 

CHirchiq OPSTTMda bo'lib o'tgan va yuqori saviyada tashkil etilgan ushbu turnirda dastlab, tantanali ochilish marosimi bo'lib o'tdi. Marosimida so'z olgan markaz direktori Ravshan Gafurov musobaqa ishtirokchilarni qutlar ekan barcha sportchilarga kelajakda professional atletlar qatoridan joy olishida omad tiladi. SHundan so'ng bellashuvlarga start berildi. 

Qiziqarli va murosasiz o'tgan musobaqa yakunida har bir vazn toifasida kuchli uchlikdan joy olgan kurashchilar diplom, medal va esdalik sovg'alari bilan mukofotlanishdi. 

Ilhom RAHMONOV tayyorladi