Cicipas Yakuniy ATP turnirining yarim finaliga chiqdi

Greciyalik tennischi Stefanos Cicipas guruh bosqichining uchinchi uchrashuvida ham g'alabaga erishdi. Bu safar u polshalik Xubert Gurkachni 1 soatu 1 daqiqa davom etgan bahs yakunida 4/1, 4/3(2), 4/1 hisobida taslim etdi. 

Bu bilan 20 yoshli dunyoning 15-raketkasi yuz foizlik ko'rsatkich evaziga guruhda birinchi o'rinni egalladi va yarim finalga yo'l oldi. 21 yoshli Gurkach reytingning 85-pog'onasidan joy olgan. Endi Cicipas yarim finalda rossiyalik Andrey Rublyovga qarshi kortga chiqadi.