COVID-19 ning Xitoy va Amerika iqtisodiyotiga tasiri

Rossiya tashqi ishlar vazirligining MGIMO Xalqaro tadqiqotlar instituti SHarqiy Osiyo va SHHTni o'rganish markazi direktori Aleksandr Lukinning fikricha, AQSHda iqtisodiy COVID-19 koronavirusi keltirib chiqargan iqtisodiy tanazzuldan keyin Xitoy iqtisodiyoti baribir AQSHdan yuqori ko'tarilishi mumkin emas.

Avvalroq, Xubeydagi korxonalarning 93 foizdan ko'prog'i o'z faoliyatini qayta tiklaganligi haqida xabar berilgan edi. Ishchilar umumiy sonining 66,3 foizi o'z ish joylariga qaytgan va bu raqam 46,95 mln. nafarni tashkil etadi. COVID-19ni tarqalishi markazi sanalagan Uxanda korxonalarning 85,4 foizi o'z ishini tikladi, 40,4 foiz xodim o'z ish joyiga qaytdi.

RIA Novosti agentligiga bergan intervyusida Aleksandr Lukin quyidagilarni so'zlab berdi: «Xitoy va AQSH iqtisodi shu qadar bog'liqki, agar AQSH inqirozga uchragan bo'lsa, unda Xitoy iqtisodiyoti rivojlanib ketmaydi. AQSH Xitoy uchun mahsulotining asosiy bozori hisoblanadi. AQSHda inqiroz bo'lsa, xitoy tovarlari sotib olinmaydi, Xitoyda ham inqiroz davom etaveradi. SHuning uchun Xitoy global iqtisodiyotda etakchilik uchun kurashda ustunlikka ega bo'ladi, deyish noto'g'ri, Xitoy uchun AQSH iqtisodiyoti inqirozga uchrashi foydali emas. «

Lukin, shuningdek, Xitoydagi inqiroz amerikaliklar uchun foydasiz ekanligini ham qo'shimcha qildi.

«AQSH nuqtai nazaridan, Xitoyda iqtisodiyotning tiklanayotgani juda yaxshi. CHunki, avvalo, Xitoy AQSH uchun sarmoyalashning asosiy joylaridan biri. Boshqa tomondan, AQSH Xitoydan juda ko'p tovarlarni sotib oladi. Qisqasi, iqtisodiyot bir-biri bilan uzviy bog'liqdir va hozir butun dunyoda hamma narsa bir-biri bog'lanib ketgan, ikkinchisi inqirozga aylanib turgan paytda bir tomonning gullab-yashnashi dargumon, agar, albatta, bu unchalik katta davlatlar bo'lmasa», – deydi ekspert.

SHu qatorda, uning fikricha, agar Xitoy koronavirus pandemiyasi bilan bog'liq iqtisodiy inqirozdan tezroq chiqib ketsa, Pekin iqtisodiy o'sish nuqtai nazaridan bazi afzalliklarga ega bo'lishi mumkin. Agar Qo'shma SHtatlar iqtisodiyoti zaiflashsa, u holda bu davlatlar o'rtasidagi yaqin iqtisodiy aloqalarni hisobga olsak, Xitoy ham inqirozni to'liq bartaraf eta olmaydi.

«Xitoy, agar inqirozdan biroz tezroq chiqib ketadigan bo'lsa, u tez suratda bir qator afzalliklarga ega bo'ladi. Ammo AQSH uzoq vaqt inqirozga qoladigan bo'lsa, demak, Xitoy ham inqirozdan butunlay chiqa olmaydi, chunki u o'z mollarini sotadigan tashqi bozor yo'q. Albatta , ularni boshqa joyda sotishga harakat qiladi, ammo AQSHni o'rnini bosadigan bunday bozorni to'liq topa olmaydi», – deydi Lukin.