16 may 11:34
Yangiliklar
Tennis
Daniel Kollinz Azarenkodan ustun keldi
Italiya poytaxti Rim shahrida davom etayotgan WTA 1000 toifasiga kiruvchi nufuzli turnirda yarim final ishtirokchilari aniqlandi.
Dunyoning 15-raketkasi bo'lib turgan Daniel Kollinz bosh sovrinni ko'zlamoqda. Amerikalik tennis malikasi 106 daqiqa davom etgan 1/4 finalda WTA reytingida 24-pog'onada borayotgan belaruslik Viktoriya Azarenkoni mag'lubiyatga uchratdi - 6/4, 6/3.
Tennischilarning o'zaro uchrashuvlarida Kollinz oldinga chiqib oldi - 2:1. Daniel 6 ta eys va 5 ta breykni amalga oshirib, 8 ta qo'shxatoga yo'l qo'ydi. Kollinz faoliyatida ilk bor WTA 1000 turniri yarim finaliga chiqdi. U so'nggi 20 ta uchrashuvining 19 tasida g'alaba qozongan. Uning final ostonasidagi raqibasi dunyoning ikkinchi raketkasi, belaruslik Arinoy Sobolenko bo'ladi.
Havola :
Manba : gotennis
Fikrlar