Daniil Medvedev 104-raketkaga yutqazib qo'ydi

Kutilmaganda dunyoning beshinchi raketkasi Daniil Medvedev musobaqaning ilk davra uchrashuvida mag'lubiyat alamini totib ko'rdi. Rossiyalik tennischi kanadalik Vashek Pospishilga imkoniyatni boy berib qo'ydi - 4/6, 3/6.

Bir soatu 7 daqiqa davom etgan bahsda 24 yoshli Medvedev 7, 29 yashar Vashek esa 8ta eys zarbani amalga oshirgan. Tennischilarning o'zaro o'tkazgan uchrashuvlaridagi hisob muvozanati tiklandi - 1:1. Endi reytingning 104-pog'onasidan joy olgan Vashek ABN AMRO World Tennis Tournament musobaqasining ikkinchi bosqichida serbiyalik Filip Krayinovichga qarshi kortga chiqadi.