Daniil Medvedev Marselda 1/2 finalga chiqdi

Sayyoramizning uchinchi raketkasi Daniil Medvedev Open 13 Provence musobaqasining yarim final ishtirokchisiga aylandi. Rossiyalik tennischi chorak final uchrashuvida reytingning 34-pog'onasidan joy olib turgan italiyalik Yannik Sinnerni mag'lub etdi - 6/2, 6/4.

Medvedev - Sinner bahsi 73 daqiqa davom etgan bo'lib, unda 25 yoshli Daniil 5 ta, 19 yashar Yannik esa 2 ta eys zarbani amalga oshirgan. O'zaro uchrashuvlarda Medvedev endi 2:0 hisobida oldinda bormoqda. Bugun rossiyalik tennischi Open 13 Provence yarim finalida avstraliyalik Mettyu Ebdenga qarshi kortga chiqadi.