Erkebulan Toktar jangni sotgani haqidagi gap-co'zlarga javob qaytardi

«Aziz do'stlar! Kecha men dam olishga kelganim haqida video joyladim, xonani ko'rsatdim... SHu videoga yozilgan izohlarni o'qisam, "sen yutug'ingni bukmekerga sotib, shu pulga dam olyapsan", "sen o'z shaningni sotding", "sharmandasan", "sen 400 million olding" degan gaplar yozilgan. Qaerdandir 400 million degan raqam paydo bo'libdi va ijtimoiy tarmoqlarda shu gaplar tarqalyapti. SHuning uchun barchasini tushuntirish uchun bu videoni yozayapman.

Kelinglar, buni yozayotganlar, biroz mantiq bilan o'ylaylik. Bizga hech kim millionlab pul tikmaydi. Biz "Real Madrid", PSJ yoki Konor Makgregor emasmiz — butun dunyo pul tikadigan darajadagi yulduzlar emasmiz. Bizga oddiy qiziqish uchun ko'pi bilan 5 yoki 10 ming tenge tikiladi. Buni yozayotganlar, ehtimol, o'zlari ham 1-2 ming tengedan tikkan bo'lishi mumkin. Hatto 10 ming kishi 2 ming tengeden tiksa ham — bu jami 20 million tenge bo'ladi.

Xo'sh, men jangni ataylab yutqazishga rozi bo'lishim uchun ular menga qancha to'lashi kerak? Har qanday inson rozi bo'lishi mumkin bo'lgan summa bor, lekin u summa juda ham ulkan bo'lishi kerak», — dedi jangchi.

Toktar va Marsel o'rtasidagi boks qoidalari bo'yicha, MMA qo'lqoplaridagi jang 27 mart kuni Armanistonning Erevan shahrida Hype FC turniri doirasida bo'lib o'tdi. Qozog'istonlik Toktar ettita g'alabali seriya bilan favorit hisoblansada, uch raund yakunlariga ko'ra, hakamlarning bir ovozdan qabul qilgan qarori bilan qirg'izistonlik Marselga yutqazdi.