04 okt 12:52
Yangiliklar

Tennis

Denis Istomin 64 daqiqalik uchrashuv o'tkazdi

Qozog'istonning Almati shahrida o'tkazilayotgan tennis bo'yicha “CHellenjer” turkumiga kiruvchi turnir o'zining qizg'in pallasiga kirib boryapti.

Sovrin jamg'armasi 50 000 AQSH dollarini tashkil qiluvchi ushbu turnirda hamyurtimiz Denis Istomin birinchi raqam ostida harakat qilyapti. Osiyo o'yinlari g'olibi Almatida ham g'olibona yurishini davom ettirmoqda.

U hozirgina yakuniga etgan chorak final uchrashuvida turnirning ettinchi raketkasi sifatida tasniflangan serbiyalik Miomir Kecmanovichni mag'lub etdi. Bir soatu 4 daqiqa davom etgan uchrashuvda Denis raqibini 6:3, 6:4 hisobida mag'lubiyatga uchratdi.

Taqqoslash uchun, Denis Istomin dunyo reytingida 103, Miomir Kecmanovich esa 163-o'rinni egallab turibdi. Tennischilar shu kungacha o'zaro turnirlarda bir marotaba to'qnash kelishgandi. SHu yilning 23 mart kuni Mayamida o'tgan bahsda Istomin raqibidan ustun kelgandi.