06 okt 12:52
Yangiliklar

Tennis

Denis Istomin Almatidagi "CHellenjer"da chempion bo'ldi

O'zbekistonning birinchi raketkasi Denis Istomin Almati shahrida mukofot jamg'armasi 50 000 AQSH dollarini tashkil qiluvchi musobaqada ishtirok etayotganligi haqida xabar bergandik.

Hamyurtimiz bugun finalda serbiyalik Nikola Miloevichga qarshi kortga chiqdi. 2 soat 44 daqiqa davom etgan o'yinda Denis raqibini 6:7, 7:6, 6:2 hisoblarida mag'lub etdi va musobaqa g'olibiga aylandi.

Denis o'yin davomida 11ta eys amalga oshira oldi. Raqib esa 15ta qo'shxatoga yo'l qo'ydi.

Ushbu g'alaba orqali Denis 80 reyting ochkosi va 7200 AQSH dollari miqdoridagi mukofot pulini ishlab oldi.