01 fev 07:26
Yangiliklar

Tennis

Denis Istomin AQSH turniri chorak finalida kortga chiqdi

AQSHning Nyuport shahrida o'tkazilayotgan tennis bo'yicha "CHellenjer" turkumiga kiruvchi turnir o'zining hal qiluvchi pallasiga kirdi.

Mukofot jamg'armasi 162 480 AQSH dollarini tashkil etgan musobaqada hamyurtimiz Denis Istomin ham ishtirok etayotgandi. Turnirda 15-raqam ostida tasniflangan Istomin ikki g'alabaga erishib, chorak finalga yo'l olgan edi. Uchinchi bosqichda dunyoning 50-raketkasi, amerikalik Frensis Tiafoni mag'lub etib, kichik shov-shuv ham ko'targandi.

Afsuski, ATP reytingida 170-pog'onada borayotgan Istomin 1 soatu 36 daqiqa davom etgan chorak final uchrashuvida reytingda o'zidan 101 pog'ona pastda borayotgan amerikalik Tay-Son Kvyatkovskiyga 6:7(6), 4:6 hisobida imkoniyatni boy berib, musobaqa bilan xayrlashdi.