Denis Istomin ishtirok etadigan turnirga qura tashlandi

Ayni paytda ATP 250 musobaqasining saralash bosqich bahslari o'tkazilmoqda. Ushbu turnirda hamyurtimiz Denis Istomin ham ishtirok etadi. Kecha Puna turnirining asosiy to'riga qura tashlandi. Mamlakatimizning birinchi raketkasi ilk davrada saralash turniri g'oliblarining biri bilan to'qnash keladigan bo'ldi. 

Janubiy Afrika Respublikasi vakili Kevin Anderson turnirning birinchi raketkasi sifatida harakat qiladi. Istomin va Andersonning yo'llari chorak finalda kesishadi. Buning uchun ularning har ikkisi ham o'z uchrashuvlarida g'alaba qozonishlari shart.

Turnirning mukofot jamg'armasi 589 680 dollarni tashkil qiladi. CHempion tennischi o'z hamyonini 90 990 dollarga boyitib oladi, shuningdek 250 reyting ochkosiga ham ega bo'ladi. Birinchi raundda kortga chiqqan tennischilarning bari natijadan qatiy nazar 5 320 dollarlik bo'lishadi.