Denis Istomin Piter turniri yakkaligida kortga chiqdi

Ushbu musobaqada mamlakatimizning birinchi raketkasi Denis Istomin ham ishtirok etyapti. Hamyurtimiz juftlik musobaqasidagi ishtirokini g'alaba bilan boshlagan edi. Bugun Denis yakkalikning ilk davrasida kortga chiqdi. 

Hamyurtimiz qozog'istonlik Mixail Kukushkin bilan munosabatlariga oydinlik kiritib oldi. Birinchi set 7:5 hisobida Kukushkin foydasiga hal bo'ldi. Ikkinchi setning oltinchi geymidan so'ng Istomin bahsni davom ettira olmasligini malum qildi. Bu paytga kelib Denis 4:2 hisobida oldinda borayotgandi.

SHu tariqa, hamyurtimiz Sankt-Peterburg turniridagi ishtirokini yakunladi. Denis Istomin dunyo reytingida 61, Mixail Kukushkin esa 87-o'rinni egallab turgandi. Tennischilar shu kungacha o'zaro 9 marotaba to'qnash kelishgan. Kukushkin bugun beshinchi g'alabasini tantana qildi.