02 mar 15:17
Yangiliklar
Tennis
Denis Istomin Qozog'istondagi yurishini boshladi, navbatdagi raqib yaponiyalik
SHu kunlarda Qozog'istonning Nur-Sulton shahrida ”CHellenjer” turkumiga kiruvchi mukofot jamg'armasi 156,240 AQSH dollarini tashkil qiladigan turnir bo'lib o'tmoqda.
Ushbu musobaqada tennischimiz Denis Istomin ham ishtirok etmoqda. Kecha Denis 1/16 final bosqichi doirasida franciyalik Aleksandr Myullerga qarshi kortga chiqdi. Hisob Istomin foydasiga 6/3, 3/1 bo'lib turgan vaqtda Myuller o'yinni davom ettirolmasligini bildirdi. SHu tariqa hamyurtimiz keyingi bosqichga yo'l oldi. Istomin ikkinchi o'yinini ertaga yaponiyalik Taro Danielga qarshi o'tkazadi. Taqqoslash uchun, Denis hozirda jahon reytingida 195, Taro esa 121-o'rinni egallab turibdi.
SHuningdek, bugun Istomin qozog'istonlik Denis Evseev bilan tandem hosil qilgan holda amerikalik Jekson Uitrou va Nataniel Lammon jufligiga qarshi kortga chiqadi.
Havola :
Manba : olamsport.com
Fikrlar